شعر روح البنفسج

البنفسج


روح البنفسج


ليش مني تريد تاخذ كل الحنان ؟
وترجع بكلشي فقير
وصحت أريدك !
عاد ... مر شيعها روحي
الماتت بحبك خطيه
وامشي جناز بشهيدك
مر اسمعنك سوالف
تترس الكون بعشك ... ما بي دغش
تترس أيامي حلاوه
بطعم لمسات النديه
التارسه جفوفك غزل
أني هالمره دخيلك
حيل بردان .... ودفو روحي بشليلك
وأجه ألليل .... وجزه الريل
وغبشة ألله .... صوتك يفزز صفنتي
ونايمه بفيهه الجوامع
قررت ما أمشي دربك
حتى لا شوفك بعد
جدمي عاركني عليك
وزعلت أعليه الشوارع
واعتذر .... هسه أني جايك
وجايب بروحي عتاب
وجايب البيت القفل سرك
حبيبي ... بلايه باب !
وبعد مده
يرجع البينك وبيني
وبعد مده
ولني ما شوفك بعيني
يعني اعمه انوب اصير
واني متعود اشبكك
يمته ما طخت ابالي
هسه كل شلون الزمك ؟
روحي ماتقنع بغيرك ... وأنته ممنوع اللمس
بأول صباك
وسكته ........ سكته
يطفي فانوس بحنيني ... ويظل يشتاك لظواك
أمنين أشبعك بوس ..... يل طولك شفايف
وشلون أسولف بيك
يل كلك سوالف !
ياألله واجرحني أعله كيفك
مشي سجينك بجرحي .....
تسمع ألآفيش بيدر شوك ما يعرف دخيلك
لا تعذبني بصدودك .... أني بألكوه أعتنيتك
جي لان كالو عليلك
بلكي تفتح بابك ... وتنثر ضحكتك
حتى أسميهه سماح
وحتى خزراتك بريئه
ومنهه ما تطلع رماح
أنه سجه ......
أنمدت بدربك صبر
وعمري لجلك راح أخلصنه انتظار
عفيه عينك
زرعت بروحي بنفسج
وليلة أفراكك عمر
شتلت
رموشي بيارغ
ع طريق .....
أوْ رشت الدمعه سبيل !

عاشت ايدك حبي