ابوذيات .. الى القلب

شكثر تانينة حبنة ماية حبنة
ويضل محد يشربة مايحبنة
لأن فقرةيكلبي مايحبنة
لا زم واسطة او كلش قوية


حزن تمطر دنياي ماصحتلي
وردت فرصه اشوفك ماصحتلي
ووكفت اكبال عيني وماصحت لي
وصحتلك مادرت وجهك عليه


حبيتك انت دون الناس بالذااااات
وحبك سكن بالنفس والروح بالذااااات
ياحسافه طلعت وياي بذاااااااات
وحبك روايه ومسرحيه


سفينة بلا بحر كلبي ولك راح
منعتة هواي من عندك ولك راح
تكلي شراح من عندك ولك راح
كلبي الراح الك مار


عليك العين تسال ماهو وينه
عزيز وغير شخصك ماهو وينه
امد ايدي على كلبي ماهو وينه
اذا عندك دخيلك رده اليه


انه العطشان منك مي اتاني
ومثل صبري ياغالي من يتاني
تسئلني علاحالي ميت اني
عزيزوشوفتك صعبه عليه


هية الباوعت مناضر اني
ما انفعمن بحبي مناضراني
لابس عدستين ومناضر اني
وفوكاهة ماشفتج من باوعتي علية


مايحبك قلبي لو نزل وحي له
ولو حبك اطلعة تقاعد وحي له
لا تسوي وياي لعبة وحي له
ابد ماتمشي حيلاتك علية

محروق اني ويحبك رمادي
بيك حلاوة الفلوجة ورمادي
يصير احمر وجهي ورمادي
وارجف كلي من تسلم علية



اسمعك كلام بالعشق صادق وجدي
يااغلا من بيبيتي وجدي
اسول بالشوارع لاجلك وجدي
حبيبي ولوتطلب الكبد انطيكيا هدية


حبيبي خلاف عينك مالمعنه
واسالك هذا كلبك ماله معنا
الحجي كله بغيابك ماله معنئ
لانك بالكلام اتذوب بية


زاد بقلبي حبك وانت قل بيه
وصعد للراس حبك وانتقل بيه
احب شلون بعدك وانت قلبي
وانا بكلبي احبن مو بديه



طيفك لو اجة كبالي سقفله
واصير لبيت عشرتنه سقف له
سأمسك قلبك العاشق سقفله
على جدران قلبي الاوليه


وحق الناي من يعزف وخنته
ابد ماعشرت صاحب وخنتة
حبيبي وصاحبي واخ انت
وانته رمز للخوة القوية

عاشت ايدك على موضوع جميل وروعة

انتة الاروع ابن عمي الورد