قصيدة الشاعر ايهاب

خفت ماردت ازعلك من نويت تروح
ويمك مابجيت الدمع كضيته

حطيتلك بسمه بثواني وداع
لا موبسمه هاي الجرح حطيته

انه مابين بسمه ودمعه ضكت الموت
ومن كتلك تروح الطعم حسيته

ولان ساعتهه حسيت الدمع شي
اضن من ماوراك الدمع حبيته

جنت مامنتبهلي البسمه جانت زور
واني بوسط روحي الصخر بجيته

لان ماردتك تحس بالدمع مجبور
عن صوت الجروح النظر غضيته

حولت الدمع يمك لنظره شوك
وحولت المناشغ ضحك سويته

من ساعه هذيج وماحجيت الصار
بس يمكن بدمعي الخبر طشيته