شعر ـوخاصه الابوذيات

الأبوذية والعتابة أضافة الى مجموعة أنواع شعر » تعلم صياغتها

واكتب شعر وخاصه الابوذيات

بس اكو هواي ناس تخربط بين العتابيه والابوذيه

نجي على العتابيه : هو نوع من انواع الشعر اصله يرجع للغربيه
بس ما يمنع ان اهل الجنوب يكتبون عتابيه
بالعكس يكتبون عتابيه ويبدعون بيهاا بس اكو اختلاف ورح اوضحه الكم

نجي هسه على الابوذيه : يعتبر من اشهر انواع الشعر بالعراق
ويرجع اصله للجنوب وخاصه الاهوار
المعروف بمعانيهم القويه جدا والخاصه بهم
وايضا ما يمنع ان اهل الشمال والغربيه يكتبون ابوذيات
ويبدعون بيهاا

والابوذيه والعتابيه تعتبر من نفس النوع
من حيث الـ 3 ابيات وقفل
بينها بعض الاختلافات

ان الابوذيه تنتهي بـالـ(يه) نسبه الى ابوذيه
اما العتابيه تنتهي بأنواع كـ (اب) من كلمه عتااب
وايضا تنتهي بالالف المقصوره
ونوع فريد وهي ان تنتهي بـالـ(ي)
هاي بالنسبه للقفل !!


والاختلاف الثاني .. ان كل منطقه تستعمل مفرداتها الخااصه
مثل :-
جمر ... بالهجه الجنوبيه (يمر)
يعني :
اني معبوده هو بس يْمر
انتضرها تجيني احر من يمر
وين راح بس خل يجي خل يمر
مو بأنتضاره حتى الثلج ذاب

يمر في البيت الاول تعيني (يأمر)
يمر في البيت الثاني تعيني (جمر) لكن باللهجه الجنوبيه وخاصه الاهوار
يمر في البيت الثالث تعني (الزياره)

ومن نهايتها نعرف ان هي عتابيه.


وهذا مفهوم العتابيه .. وهو نوع خااص من الشعر مثل الابوذيه , الزهيري , العمودي , الحر ..الخ

يعني هو نوع خاص .. مو تسميه تطلع على القصيده الي يكثر فيها العتااب

وتكدر حسب خبرتك ومفردااتك انت
ان تحول من العتابيه الى الابوذيه والعكس

هذا بس مفهوم بسيط .. لانه ممكن احد ميعرف شنو هو العتابيه
ومن يسمع عتابيه يكول قصيده موضوعها العتاب
يعني كتله لصاحبي اكلك عتابيه وانت جاوبني .. وافق
كًلت عتابيه هو يضحك
يكلي هاي ابوذيه وقفلها غلط لو تريد تسويها زنجيل
مع العلم هو قوي بالشعر ..
واكيد ماكو احد كامل و يعرف كل المعلومات وكل انواع الشعر
وهي فيد غيرك واستفااد

ومعرفت اكتب الموضوع بقسم الشعر الشعبي لو قسم المدرسه الادبيه
احتاريت !!