امس للبيت خطابه

قصيده كتبتها بلسان حال فتاة
لا تريد الزواج من ابن عمها
ولكن اخوتها وابوهه يجبروها
وهيه لاتستطيع ان تعمل شىء



امس للبيت خطابه اجو لهلي يطلبوني

بقيت بامري محتاره هذوله منين هالجوني

شخص مااعرف اطباعه ولا شايفته بعيوني

حرت مااعرف شاحجي واخافن اهلي ينطوني

واخاف من اخوتي وامي عليه كوه يجبروني

رفضته وماحجو كلشي ولا كدرو يحاجوني

تبين من كلام امي لابن عمي يريدوني

سوالف امي بجني وتغير شكلي ولوني

يعالم والله مااريده اموتن منه صدكوني

اسم روحي وحق ربي اذا لجله تغصبوني

بزواجي من ابن عمي يخوتي انتم تقتلوني

ولاواحد يجاوبني ولا جنهم يسمعوني

بقيت الوحدي بهمي وعله هالحاله خلوني

بلا حوله ولا قوه بنت اني ويذبحوني

واذا ارفض ابن عمي بعشك غيره يتهموني

يربي ماالي غيرك دخيلك انته بس عوني

يربي ابجاه الزهره واهل بيته تنقذوني

وتخلصوني من ابن عمي الحبيب الروح تنطوني


مااريدك مااريدك حته لوتذبحني بيدك

ابن عمي ومثل اخوي ودم وريدي من وريدك



اجلبنك يليلي واهلي باعوني

برخص واني بنتهم ليش ساموني

اجلبنك يليلي وجاني ابن عمي

وطلب ايدي من ابوي واخوتي وامي

رفضته ومانفع بي كل ثكل دمي

واخوتي اعليه غصب بالكوه جبروني

اجلبنك يليلي واهلي باعوني

اجلبنك يليلي وحصرتي بصدري

عله الباكو حياتي وضيعو عمري

اجلبنك يليلي وكلهه من عدهم

هلي همه اضلموني وضيعو بتهم

خساره من البدايه اعرفهه بيعتهم

وكلت لمي وابوي وكل هلي تدري

اجلبنك يليلي وحصرتي بصدري


شفت بعيوني زفتهه وشفت دمهه اعله وجنتهه

عروس وتبجي ياعالم عجيبه بيوم فرحتهه

اسالت وحده قريبتهه اريد افتهم قصتهه

اتضح البنيه مغصوبه وتهد الحيل حالتهه

وبعد لحضات مو اكثر اجه العريس اخذ يدهه

طفل مايفتهم كلشي زغير وماهو ابكدهه

حرت وصفنت ساعتهه وكلت للروح قسمتهه

ودعيت الله يساعدهه ويصبرهه اعله بلوتهه

ودعيت اهواي من كلبي على ابوهه وعله اخوتهه

وعلى كلمن ضلم بنته عساهه بحضه وبخته

عساهه بحضه وبخت

عاشت ايدك على موضوع جميل كولك ذوق كبد

هاي اعيونك الحلوات اخويا