جبل ياموطني

جبل يا موطني واكف على الكاع
وعنوانك يظل تاج العناوين
*
يا شمس الحقيقه التعلى على الغيم
وغصب تدخل على خشوف الروازين
*
السجاجين المكشره تخوف الجروح
وجرحك كسر انياب السجاجين
*
عراق الموزمه جن داحي الباب
وشايل ذوالفقار بجفه نهرين
*
واذا عالجود شايل جود عباس
واذا بالتضحيات يمثل الحسين
*
اذن واجب على كلمن يمر بيك
اجلالن ينحني مثل المصلين
*
وكافي يله ارجوك خنذب السواد
ونلبس احنه الوان حلوه الكل فرد
*
وكافي من لبس السمل ملينه ليش
واحنه شعب الخير كاتلنه البرد
*
يله خل نبني ونفك حزن العراق
ونفتح بهمتنه بيبان المجد
*
ونكلب اسلاح البدينه احنه فراش
لان لايك على الوطن لبس الورد
*
يله خل نصرخ عراق بكل ضمير
ويصحه عدنه كون كل احساسه
*
وكون كلمن باكنه نكطله اديه
والخان بينه كون نكطع راسه
*
ونعزف لحب الوطن اجمل نشيد
نعم للحب والورد والياسه
*
كلا للارهاب كلا للدمار
نعم للاقلام والكراسه
*
وكل شبر فيه الوطن نزرع خضار
وحرس عالنخله نخلي الفاسه
*
والطائفيه تروح لا للتفرقات
وهيجي تنحل عدنه كل المشكله
*
السنه والشيعه ومسيح بكل صفات
بحب وطنه بدمنه يربطنه صله
*
والاذان يصير حيه على العراق
والعراق يزور كله بكربله