في هل زمان

في هالزمن صار الهوى كذبة الشات
ويا كثرهم اهـل الكـذب والخيانـه


قد طرزوا للحب احلـى العبـارات
والا الهدف معروف واضح عيانـه


هذي نواياهـم بـلا شـك غايـات
تلبـس ثيـاب الشـك ذل ومهانـه



شفهـم بقايـا زيـف اولاد وبنـات

وكل(ن) يقول اليـوم هـذا زمانـه



من عنتره مستفرد الجيـل عبـلات
ومن عبلتـه فـي عنتـره هيمانــه



قد فردوا بالوهـم كـل البطـولات
وقاموا استحلوا بالكذب كـل خانـه



هم يعزفون اوتارهم طول الاوقـات
والكذبه صارت لحن دانـه ودانـه





امجادهـم بالكـذب فاقـت بنايـات
وكل(ن) يبي يبحث على عز شانـه


كم يدعي يحوي خصايـل وميـزات
والا بقرارة داخلـه ويـش ضمانـه


مسكين من هو يدعي بـس هيهـات
شفت الحقيقه تنعكـس مـن لسانـه


اهل الكذب والزيف اهل السخافـات
ياكثرهم فـي وقـت بايـن هوانـه


من خالف الواقع رسـوم وحكايـات
يعرف حقيقـة واقعـه مـن مكانـه


النفـس لوامـه بـلا شـك مأسـاة
وياما كثيـر شجـاع نفسـه جبانـه


يا ايها الانسان خذهـا لـك ابيـات

واعرف لسان الشخص دايم حصانه







بطل حكاوي الكذب بطـل روايـات
واكسر قيود الفكر واطلـق عنانـه


ارسم هدف للعمر واعبر مسافـات

وابني لمجدك بيت وارعـى زمانـه


حقق طموحك وارفع العـز رايـات

وحطم جدار اليـاس واهـدم كيانـه




وانتـي كذلـك ياصبيـه وبالـذات
انتي مدارس جيـل علـم وفطانـه

عاشت ايدك كبدي