ابوذيات .... الى الحبيب

اسمك أغنيه بشفتي ورد بي
و خدك مشتل و خضر ورد بي
أروح بدرب مدرستك ورد بي
أشوفك ردت اني وهاي هيه ..



الكلب عاف البشر كله والك راد
مشى وسافر وتذكركم والك رد
عرب ما طيبوا علتي والكراد
دواي انته يهل مبعد عليه ...

احبك من زمن جدك وجدي
وحب كلبي الك ثابت وجدي
اريد ف انه ابابك واجدي
بلكن ينكسر كلبك عليه ؟؟؟

بغداد العشك صرتي ملكتي
و وحدج للكلب صدكي ملكتي
شعري لو قبل غيرج ملكتي
مثل شاعر فقد شاعريه ..

لغيرك لا صفه كلبي ولا حن
ونجومك البسمه سطعن ولاحن
قصيده اجروفك اكتبهن والحن
واسوي اسمك نشيد المستنصريه

احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية