شعر حب عراقي1

واسولفك عليه وحالي خلصان
بس عندي المهم لازم اداريك




شوف اثار حبك بين العيون
بين شيب بيهن وانت مابيك


وبين بالكلب حبك نياشين
بعد شكثر بعد وتريد اراويك


بين كلشي بين منك وياي
سلاما على الجروح البيهه اباريك


جنت شمعة بحياتك تطرد الليل
هسه الشمعة ذابت بيش اضويك


اترس حضني الك بدموع العيون
واذا راحن عيوني اشلون ارويك


من ماي الكلب شربتك وياي
وافتحلك نهر من كلبي وسكيك


هسه الكلب مات او مو كلب صار
جثه ابنص جسم حاجيني شنطيك


لميتك دمع بعيون الايام
كلي شراح اكلهن لمن ابجيك